Stats NZ has a new website.

For new releases go to

www.stats.govt.nz

As we transition to our new site, you'll still find some Stats NZ information here on this archive site.

  • Share this page to Facebook
  • Share this page to Twitter
  • Share this page to Google+
Tatauranga Aotearoa he tikanga hōu tatau ā-iwi – te hunga pāpāho

View this page in English

Kua tukua e Tatauranga Aotearoa i te rā nei, he tikanga hōu tatau ā-iwi, hei arahi i te kohi, i te whakahaere, i te whakamārama, i ngā pārongo ā-iwi.

I kī a Rhonda Paku, Kaihautū o Tatauranga Aotearoa, he pai ake te whakaatu a te tikanga hōu nei, i ngā hiahiatanga o nāianei mā te Māori, mō te Māori.

I kī anō a ia, kua tae kē ki te wā me arotake te rārangi ā-iwi, kia hāngai ki ngā kohinga tatauranga o nāianei tonu.

Hei tāna,“Ko ia wāhanga o te arotake i āta whakaarohia, ā, e mihi atu ana ahau ki te katoa i urupare mai, i kuhu iho ki ngā kōrero, mai i te iwi Māori, ki ngā tari kāwanatanga, ki ngā kaunihera, me te iwi whānui, i te wā o ngā whiringa kōrero o 2016 me 2017.

Ka whakamahia e te Tatauranga 2018 me ētahi atu tari kāwanatanga, e kohi ana i ngā pārongo ā-iwi mō ngā kohinga tirohanga, whakahaere, me ērā atu kohinga tatauranga.

“Ko ngā tatauranga ā-iwi e whakamahi ana i te tikanga hōu, he āwhina tēnei i te iwi, i te kāwanatanga me ētahi atu rōpū, ki te whakatakoto, tirotiro, me te whakatau kaupapa.”

“Ko te tumanako, inā kua whakarerekētia, ka huhua ake ngā raraunga mā te iwi, mō te iwi, tae atu ki aua rōpū e hono ana ki te iwi.

Ko ētahi tino rerekētanga e pā ana ki te whakauru i te iwi ki te rārangi ā-iwi, ko te whakahōu i te whāinga, me te kimi huarahi hōu hei whakaatu i ngā pārongo ā-iwi. Kei roto anō hoki i te tikanga hōu nei he whāinga hōu, mō ngā iwi me ō rātou rōpū.

Iwi statistical standard: September 2017 

Ka mutu 

Mō ngā pātai a te hunga pāpāho, tae ki ngā uiuinga reo Māori, reo Ingarihi rānei, whakapā ki: Marina Skinner, 021 792 260

Nā Liz MacPherson i whakamana, Te Manatatau Kāwanatanga, i whakaputaina i te 29 Mahuru 2017

  • Share this page to Facebook
  • Share this page to Twitter
  • Share this page to Google+
Top
  • Share this page to Facebook
  • Share this page to Twitter
  • Share this page to Google+