Stats NZ has a new website.

For new releases go to

www.stats.govt.nz

As we transition to our new site, you'll still find some Stats NZ information here on this archive site.

  • Share this page to Facebook
  • Share this page to Twitter
  • Share this page to Google+
Whakaotinga

View this page in English

I ngā wā o mua, noho tata ai te Māori ki tōna marae. Engari, nā te hekenga nui ki ngā tāone kei tawhiti kē te nuinga e noho mai ana. Ahakoa koinei e ngaro haere ai te hononga o ētahi ki tō rātau marae tipuna, mō ētahi atu ko te marae tonu te wāhi tūhonohono ai rātau me te whakaū i tō rātau ao ā-iwi, ā-Māori hoki.

E whakaatu ana a Te Kupenga kei te mōhio te nuinga o ngā Māori ki tō rātau marae tipuna, me te aha me te tūhono atu anō mā te haere atu. Ko te nuinga o ngā Māori i tae atu ki tō rātau marae tipuna i mua, ā, he hautoru i tae atu i roto i ngā marama 12 i mua o te whakahaerenga o te rangahau. He maha rātau i tae atu ki tō rātau marae tipuna i roto i ngā marama 12 kua pahure i haere i ngā wā e toru ki te rima i roto i taua wā 12 marama.

Ko te nuinga o ngā Māori e mōhio ana ki tō rātau marae tipuna kei te hiahia anō kia nui ake tā rātau haere atu, ōtira ko rātau kāore anō kia tae atu. Engari, ko ngā Māori he nui ake te haere atu – otirā ngā Māori pakeke ake me rātau e noho ana tūtata ana ki tō rātau marae tūrangawaewae – kāore i te hiahia kia nui ake ā rātau haerenga atu.

E rite ana ngā tauira o ngā āhuatanga ahurea, pāpori, ōhanga me te tatauranga iwi mō te hunga e tūhono ana ki tō rātau marae, ki ngā take ahurea whai pānga nui.

E kaha ana te hono o ngā tātari ahurea ki te hononga ki te marae tipuna, me te whakauru ki ētahi atu āhuatanga tuakiri Māori, ā, e kaha ana te hāngai o te ahurea ki te whai wāhitanga nui ake. Ina koa, ko ngā Māori he reo Māori tō rātau reo tuatahi, me te nui ake o te pūmanawa ki te kōrero i te reo, e mōhio katoa ki ō rātau pepeha, me tō rātau marae tipuna tō rātau tūrangawaewae, ko te tikanga ka nui ake te haere atu ki tō rātau marae tēnā i ētahi atu.

E kaha ana te hono o te taipakeke ki te tūhono ki te marae tipuna. Ko te tikanga kua tae atu te hunga Māori pakeke atu ki tō rātau marae tipuna tēnā i ngā Māori tamariki ake, ā, i tae inā tata nei, ka mutu he nui ake ngā wā taetae atu. He uaua ki te wehe i tēnei hei take motuhake mai i ngā take ahurea e rārangitia ana i runga ake engari he nui ake tūhono ā-ahurea o ngā Māori pakeke tēnā ki ngā Māori tamariki ake.

E whakaatu ana ā mātau kitenga he tikanga hira me te tōtika te haere atu ki te marae mō te Māori hei tūhono atu ki tōna ao Māori, ka mutu ko te marae tonu tētahi āhuatanga tino nui o te tuakiri me te ahurea Māori.

  • Share this page to Facebook
  • Share this page to Twitter
  • Share this page to Google+

Ka tutuki rānei ō wawata i te mōhiohio o tēnei whārangi?


Top
  • Share this page to Facebook
  • Share this page to Twitter
  • Share this page to Google+