Stats NZ has a new website.

For new releases go to

www.stats.govt.nz

As we transition to our new site, you'll still find some Stats NZ information here on this archive site.

  • Share this page to Facebook
  • Share this page to Twitter
  • Share this page to Google+
He kōrero mō te marae tipuna

View this page in English

Ko te marae te iho o te tuakiri ā-iwi, e here ana i ia Māori ki ō rātau ake hapori tūturu, e here ana i te ao o nehe ki te ao o āpōpō me te whakahoki i a tātau ki te hītori hōhonu o te ahunga mai i Te Moananui-a-Kiwa i ngā tau neke atu i te 3,000.

Ahorangi Paul Tapsell

He kohinga whare, wāhi hoki te marae, arā he wharenui, he marae ātea, he kīhini me te wharekai, me te wharepaku, whare horoi hoki. Tērā pea kei roto anō ētahi atu wāhi pēnei i te urupā. Ko ngā marae he marae i roto i te iwi (marae tipuna), he marae rānei kāore he whakapapa (marae tāone / hapori). Ko te haere ki te marae te urunga tino taketake o te whai wāhitanga ki te ao Māori ka mutu he āhuatanga hira o te tikanga Māori.

Ko ngā marae tipuna, neke atu i te 800 i Aotearoa, nō ngā iwi, hapū, whānau rānei ka mutu kei roto i ngā rohe tūturu o taua iwi (Tapsell, nd). Ko te whakapapa te kaihono i te Māori ki te marae tipuna – nō reira ō rātau mātua, kuia, koroua, tīpuna rānei, ā, tērā pea he nui atu i te kotahi ō rātau marae. Mō te maha o ngā Māori ko te marae tipuna tō rātau tūrangawaewae.

Tū ai ngā huihuinga ā-iwi i te marae, pēnei i ngā hui, whakanuitanga me ngā tangihanga. Mā te haere ki tōna marae me te whai wāhi atu ki ēnei huihuinga ka tūhono, ka whakaū hoki te tangata i tō rātau tuakiri ā-iwi, ā-Māori hoki, me tō rātau ahurea hoki. Mā te tūhono ki tōna marae kei te tohu i te oranga o te ahurea Māori.

I mua ko te marae te manawa o te ao Māori. Nā te hekenga nui ki ngā tāone i te waenganui o ngā tau o te rau 20 ka whakarērea e te nuinga o te iwi Māori tō rātau ake wāhi tipu me te marae. Nā tēnei i tino momotu ai te here o te Māori mai i ō rātau iwi, hapū, marae hoki ka mutu mai i tō rātau ao Māori, tikanga Māori hoki (Meredith, 2012).

Te Kupenga me te marae tipuna

Ko ngā tatauranga i roto i tēnei pūrongo mō te katoa o te taupori o Aotearoa i kī rātau he Māori rātau, he uri Māori rānei, ka mutu he 15 ngā tau, neke atu.

I pātaihia e mātau ngā kaiwhakautu mō tō rātau marae tipuna:

  • mēnā i te mōhio rātau ki tō rātau marae tipuna
  • mēnā kua tae atu rātau ki tō rātau marae tipuna
  • mēnā i tae atu i roto i ngā marama 12 kua pahure (arā, ngā marama 12 i mua o te rangahau)
  • e hia ngā haerenga atu i roto i aua marama 12
  • mēnā ko te hiahia kia nui ake te tae atu, kia nui ake rānei te haere atu.

Ko ngā kōrero mō te haere ki te marae tipuna (i ngā rā katoa me ngā marama 12 kua pahure) tae atu ki ngā pakeke Māori katoa (te hunga kei te mōhio mō tō rātau marae, me te hunga kāore i te mōhio).

Ko ngā kōrero mō te maha o ngā haerenga a ngā tāngata ki ō rātau marae tipuna, tae atu ki ērā i tae atu ki tētahi o ō rātau marae tipuna i nga marama 12 kua pahure.

Ko ngā kōrero mō te hunga e hiahia ana kia nui ake ngā haere atu ki ō rātau marae tipuna, tae atu ki ngā pakeke Māori 371,000 i kī kei te mōhio rātau ki tō rātau marae tipuna.

Tirohia te āpitihanga 1 mō ētahi atu kōrero mō Te Kupenga.

 

  • Share this page to Facebook
  • Share this page to Twitter
  • Share this page to Google+

Ka tutuki rānei ō wawata i te mōhiohio o tēnei whārangi?


Top
  • Share this page to Facebook
  • Share this page to Twitter
  • Share this page to Google+