Stats NZ has a new website.

For new releases go to

www.stats.govt.nz

As we transition to our new site, you'll still find some Stats NZ information here on this archive site.

  • Share this page to Facebook
  • Share this page to Twitter
  • Share this page to Google+
Kei te kaha tonu te karanga o te marae – pānui pāpāho

View this page in English

Tata ki te 400,000 ngā Māori e mōhio ana ko tēhea tō rātau ake marae o ngā marae neke atu i te 800 i Aotearoa, ka mutu ko te hiahia o te nuinga kia nui ake ā rātau haerenga atu, e ai ki tēnei momo pūrongo tuatahi a Tatauranga Aotearoa.

E whakaatu ana a Taku marae e: Te tūhono ki te marae tipuna 2013, e 71 ōrau ngā Māori kei te mōhio ki tō rātau marae tipuna, ā, tata ki te haurua i tae atu i roto i te tau kua pahure.

"Ko tētahi o ngā mea mīharo i kite mātau ko ngā Māori e haere ana ki tō rātau marae ko te nuinga ka whai wāhi atu ki ētahi atu āhuatanga o te ao Māori," hei tā te kaiwhakahaere tauanga ā-kāinga a Diane Ramsay.

"Ina koa, ko ngā Māori e mōhio ana ki te kōrero Māori, he mōhio rānei ki tā rātau pepeha, ko te tikanga he nui ake tā rātau haere ki tō rātau marae tēnā i ētahi atu."

I whakaatu te pūrongo i tētahi hono kaha i waenga i te tūrangawaewae me te haere ki te marae. Neke atu i te haurua o ngā pakeke Māori i kī ko tō rātau marae tipuna tō rātau tūrangawaewae, ā, tata ki te katoa o rātau i tae atu ki tō rātau marae i mua.

I whakaatu anō te pūrongo i te hiahia kia nui ake te haere a ngā Māori ki tō rātau marae, otirā rātau kāore anō kia tae atu ki reira. O ngā Māori e mōhio ana ki tō rātau marae tipuna engari kāore anō kia tae atu ki reira, 68 ōrau i kī i te hiahia rātau kia haere atu i roto i ngā marama 12 kua pahure.

"E whakaatu ana tēnei pūrongo whai tikanga he āhuatanga hira te hononga o te marae ki te ao Māori me te tuakiri Māori," te kī a Ms Ramsay.

E whakamahi ana a Taku marae e: Te tūhono ki te marae tipuna 2013 i ngā kōrero mai i te rangahau Te Kupenga 2013 mō te oranga Māori.

Tirohia Te Kupenga mō ētahi atu hua.

Ka mutu

Mō ngā pātai pāpāho, whakapā atu ki: Colin Marshall, Te Whanganui-a-Tara 04 931 4600, Īmēra info@stats.govt.nz  
He mea whakamana e Liz MacPherson, Kaitatau Kāwanatanga, i 15 Hakihea 2014

  • Share this page to Facebook
  • Share this page to Twitter
  • Share this page to Google+
Top
  • Share this page to Facebook
  • Share this page to Twitter
  • Share this page to Google+