Stats NZ has a new website.

For new releases go to

www.stats.govt.nz

As we transition to our new site, you'll still find some Stats NZ information here on this archive site.

  • Share this page to Facebook
  • Share this page to Twitter
  • Share this page to Google+
Te Wiki o te Reo Māori 2011 – Manaakitanga i Aotearoa

Ko te kaupapa matua mo te wiki o te reo Māori mō tēnei tau, ko te Manaakitanga. He tikanga tuku iho, he taonga whakahirahira hoki te manaakitanga. Ki te ao Māori, ko te manaaki tangata, he tohu rangatira.

English version: Māori language week 2011 – Manaakitanga in Aotearoa

Katahi ano ka puta tētahi pūrongo hou e pā ana ki ngā mahi whakapau wā ō ngā iwi o Aotearoa, 2009/10. I tērā tau i kohia ngā rātaka o ngā tāngata, tata ki te 9 mano te rahi (938 ngā Māori i whai wāhi ki tēnei ranagahau).

Ko ngā mahi whakapau wā e hāngai ana ki te manaakitanga ka tatauria, ko te whakapaipai whare, ko te tieki tamariki, ko te āwhina i te tangata nō whare kē, ko te āwhina kaupapa rānei i te kura, i te marae rānei.

Nō te Rangahau nei i kitea:

  • I te marama i mua i te rangahau, e 74 paiheneti te rahi o te iwi Māori i whai wāhi ki te āwhina tāngata nō whare kē, tae atu ki ngā mahi āwhina kaupapa mo tētahi rōpu, tētahi rātonga āwhina tāngata rānei. Ko te nama taurite mo te iwi Pākehā (71 paiheneti), mo te Iwi Pāhiwhika (62 paiheneti), me te Iwi Āhia (46 paiheneti).
  • Ko te 17 meneti te toha-rite o te wā ka whakapaua e te Māori ki ngā mahi manaaki tangata ki waho o o rātou nā whare, ā, e 6 meneti te toha-rite mo ngā māhi āwhina kaupapa.
  • Kei roto i te whare, ko wai ke atu kei te pikau i nga mahi whakapaipai whare, tieki tamariki ranei? Ehara i te tane Māori, engari ko te hunga wahine kē. E 52 meneti te roanga ake o te wa ka whakapaua e te wahine mo te mahi whakapaipai whare, ki o te hunga tane. Waihoki, neke atu i te 39 meneti te roanga ake o te wa ka whakapaua e te hunga wahine ki te tieki tamariki, ki o te hunga tane.

Nō te Tatauranga o 2006, i kitea:

  • Tino kaha kē atu te Māori ki te tieki tamariki nō tētahi atu whare, ki ērā atu o ngā iwi o Aotearoa. I te marama i mua o Tatauranga Matua nei, e 25 paiheneti te rahi o te Iwi Māori i tieki i tētahi tamaiti nō tētahi atu whare. Ko te nama taurite mō te iwi whānui, e 16 paiheneti noa iho.
  • Waihoki, tino kaha kē atu te Māori ki te tieki i te hunga mauiui me te hunga haua nō tētahi atu whare; 12 paiheneti te rahi o te iwi Māori e penei ana i te marama i mua o te rangahau. Mo te iwi Whānui, ko te nama taurite, e 9 paiheneti noa iho.

Hei tā Atawhai Tipara, Kaiwhakahaere Māori mō ngā Tatauranga Hāpori, "He tohu pai ēnei whika, arā, te āhua nei, kei te orarawa atu ngā tikanga tuku iho a Kui mā, a Koro mā."

Hei tāpiritanga ki ēnei whika, e ai ki te Tatauranga o Aotearoa 2006, e 23.7 paiheneti o te iwi Māori e āhei ana ki te whakapuaki whakaaro ki te reo Māori.

Me he pātai āu mo enei whika, tēnā whakapa mai ki a:
Atawhai Tibble, Kaiwhakahaere Tatauranga Māori, Kaupapa Hāpori,
(04) 931 4855 waea mahi, (021) 876 393 waea pūkoro.

  • Share this page to Facebook
  • Share this page to Twitter
  • Share this page to Google+
Top
  • Share this page to Facebook
  • Share this page to Twitter
  • Share this page to Google+