Stats NZ has a new website.

For new releases go to

www.stats.govt.nz

As we transition to our new site, you'll still find some Stats NZ information here on this archive site.

  • Share this page to Facebook
  • Share this page to Twitter
  • Share this page to Google+
He mea nui ki te Māori te whānau me te ahurea
Embargoed until 10:45am  –  06 May 2014

Te Kupenga 2013 (te reo Māori)  –  Media Release

View this page in English 

Ki te nuinga o te Māori kei te pai ō rātau whānau, e ai ki ngā hua i whakaputaina inakuanei e te rangahau tuatahi a Tatauranga Aotearoa mō te oranga o te Māori, arā, Te Kupenga.

E whakaatu ana ngā hua o te rangahau he 83 ōrau o ngā Māori i kī kei te pai ō rātau whānau. I whakaatu anō e 89 ōrau o ngā Māori kei te mōhio ki tō rātau iwi, ā, e 55 ōrau o ngā Māori e āhua mōhio ana ki te kōrero i te reo Māori.

“Ka āwhina ngā hua o te rangahau kia āta mōhio ai ki te oranga pāpori me te ahurea o te Māori i Aotearoa. Ka tautoko ēnei kōrero kia mārama ake ai te kōrerorero a te iwi whānui mō te oranga o te Māori me te whakaatu hoki i ngā wāhi matua hei whakatika," hei tā Atawhai Tibble, te kaiwhakahaere o Te Kupenga.

Ahakoa e 70 ōrau o ngā pakeke Māori o te motu i kī he mea nui ki a rātau kia whai wahi rātau ki te ao Māori, he rerekē te ōwehenga kei tēnā rohe, kei tēnā rohe. He mea nui ki ngā Māori i te Taitokerau (82 ōrau) tō rātau ao Māori, ā, 59 ōrau i Waitaha kāore i te pēnei.

Hei tā Atawhai Tibble: "Ko te mahi ahurea o ēnei rā e pūrongo whānuihia ana a te pakeke Māori ko te mātakitaki i tētahi whakaaturanga pouaka whakaata Māori, ā, he 75 ōrau o ngā kaiwhakautu i mahi i tēnei i roto i ngā marama 12 kua pahure."

I whakahaerehia ngā uiuitanga i waenga i te marama o Pipiri ki te Hereturikōkā i tērā tau, ā, neke atu i te 5,500 ngā Māori mai i ngā tau 15 neke atu puta noa i te motu. E mihi ana a Tatauranga Aotearoa ki a Te Puni Kōkiri mō ana tautoko i roto i te whanaketanga o Te Kupenga.

Ka tukuna atu anō he raraunga mai i te rangahau i roto i ngā marama 12 e whai ake, ā, kei roto ko ngā raraunga mō te oranga ōhanga me tētahi pūrongo mō te reo Māori.

Tirohia te pānui whakaahua Te oranga o te ahurea Māori 2013 mō ngā hua matua a te rangahau nei.

Kua mutu

Mō ngā uiui pāpāho, whakapā atu ki a: Kelly Mitchell Te Whanganui-a-Tara 04 931 4600
Īmēra: info@stats.govt.nz

He mea whakamana e Liz MacPherson, Kaitatau a te Kāwanatanga
I whakaputaina 6 Haratua 2014

  • Share this page to Facebook
  • Share this page to Twitter
  • Share this page to Google+
Top
  • Share this page to Facebook
  • Share this page to Twitter
  • Share this page to Google+